Collection of shaayri from movie - ZINDAGI MILEGI NA DOOBARA"

Dilon mein tum apni betaabiyan leke chal rahe ho, toh zinda ho tum
Nazar mein khwaabon ki bijliyan leke chal rahe ho, toh zinda ho tum
Hawa ke jhokon ke jaise aazad rehna seekho
Tum ek dariya ke jaise lehron mein behna seekho
Har ek lamhe se tum milo khole apni baahein
Har ek pal ek naya samaa dekhiye
Jo apni aankhon mein hayraniyan leke chal rahe ho, toh zinda ho tum
Dilon mein tum apni betaabiyan leke chal rahe ho, toh zinda ho tum


Ik baat honton tak hai jo ayi nahin,Bas ankhon say hai jhankti
Tmse kabhi, mujhse kabhi,Kuch lafz hain woh mangti
Jinko pehanke honton tk aa jaaye woh,Awaaz ki baahon mein baahein daalke ithlaye woh, Lekin jo yeh ik baat hai,Ahsas hi ahsas hai
Khushboo si hai jaise hawa mein tairti,Khushboo jo be-awaaz hai
Jiska pata tumko bhi hai,Jiski khabar mujhko bhi hai
Duniya se bhi chupta nahin,Yeh jaane kaisa raaz hai…


Jab jab dird ka baadal chaaya,jab gam ka saya lahraya
jab aansu palko tak aaya,jab ye tanha dil ghabraya
hum ne dil ko ye samjhya dil aakhir tu kyun rota h,
duniya mien yuhi hota h.
ye jo gahrey sanatey h, waqt ne sabko he batein h
thoda gham h sabka kissa, thodi dhup h sabka hissa
aankh teri bekar he nam h, her pal ek naya mausam h
kyun tu aise pal khota h, dil akhir tu kyun rota h…..


Pighlay neelam sa behta hua yeh samaan
Neeli neeli si khamoshiyaan
Na kahin hai zameen
Na kahin aasmaan
Sarsaraati huyi tehniyaan, pattiyaan
Keh rahi hain ki bas ek tum ho yahaan
Sirf main hoon meri saansein hain aur meri dhadkanein
Aisi gehraiyaan
Aisi tanhaiyaan
Aur main sirf main
Apne honay pe mujhko yaqeen aa gaya